Afmæli dóttur minnar Önnu Guðnýjar í dag og mikil veisla og margar stelpur og mikið gaman.

Allt 8 ára dömur og fannst mér svo yndislegt að sjá hversu góð þessi börn öll voru, kurteis og yndisleg.

Diskurinn með hljómsveitinni ABBA var eingöngu í tækinu, dansað, sungið og sprellað og þvílíkt fjör.

Ég tók myndband og setti smá brot (í tveimur hlutum) á myndbandalinkinn.

Annað í fréttum: Fer suður n.k. föstudag til elskunnar minnar og hlakka ég mikið til að hitta hana, enda ekki séð hana í 10 daga...össss....ekkert auðvelt að vera í fjarbúð....

Kannski að maður kíkki á eitthvað skemmtilegt fólk, hver veit....

Heyrumst í næsta bloggi....

Þá er það haustkvefið og allt það skemmtilega sem því nú fylgir.

Innihald í pakka þessum er eftirfarandi (svona fyrir þá sem vita ekki hvað þetta er)

Rennandi vökvi úr nösum og augun, slappleiki, hausverkur, hiti, kuldi og jafnvel minnisleysi því ég man ekki eftir fleiri atriðum.

Held ég sé að fara með börnin hér af hita í húsinu, allir ofnar komnir í botn og dugar ekki til.

Því ég er kapplædd rétt eins og ég sé að fara að ganga á Norðurpólinn....

Og ekki er kasmírullarpeysan hennar Hildar minnar að virka núna..flíspeysan þurfti að fara yfir og ullarsokkar á lappirnar...isss....ég færi örugglega í fötum í gufubað...virkar ekkert núna.

Búin  að sjóða engiferrót og þræla safanum í mig ásamt grænu tei sem er með Aloe Vera í, á það ekki að svínvirka þetta Aloe vera...hehhee...júbb og hunang þurfti að fara í gumsið því annars er þetta algerlega ódrekkandi..þá bið ég nú frekar um KAFFI takk...

Svo skipaði hann Kalli vinur minn mér að dæla í mig Spirulina töflum sem ég var svo heppin að eiga uppí skáp..hann sagði sko 6 töflur...Nei, kalli minn, þori ekki að taka nema 2 núna annars verð ég með þvílíka orku að ég myndi ganga á fjöll...hehehehe

Verð góð og gegni þér og tek KANNSKI 2 til viðbótar í kvöld.

Eins gott að þetta gangi fljótt yfir, afmæli dótturinnar n.k. mánudag og ég VERÐ að baka á morgun með henni.  Og já elsku Hildur mín, ég verð orðin góð næsta föstudag...LOFA....

Ef þið eigið töfralausnir fyrir kvef og þetta ógeð, þá megið þið henda þeim ráðum hér í comment takk.

Ég er farin að sötra á þessu gumsi mínu.....ojjjjjjjjjjjjjjjjj

Já, til er mikið af VONDU fólki...talað er um að ferfætlingar og önnur dýr séu ill og grimm mörg hver..en svei mér þá, mannskepnan er sjálfsagt grimmasta dýrið á jörðunni.

Þegar við Hildur vorum á leið Norður sl. föstudag, þá sá ég 2 menn á hestum...væri ekkert nema fallegt við það ef ekki væri fyrir það sem maður sá...helv...karlinn (afsakið orðbragðið) var með písk  og lamdi hestinn sundur og saman...arggggggggg....hann var semsagt ekki maður sem kunni né kann að nota pískinn, hann barði hestinn aðallega í hausinn, allavega það sem ég sá og hesturinn hentist allur til.

Mig langaði mest til að stoppa og fara og berja þennan mannfjanda. 

Já, ég get sko orðið reið þegar ég sé svona...er bara ekki að fatta svona fólk.

Ef ekki er hægt að bera virðingu fyrir dýrum og öðrum í kring um sig, þá ber maður varla virðingu fyrir sjálfum sér, eða hvað????

Hvað finnst ykkur??????

Já, hænur...furðulega skemmtilegt fiðurfé

Eins og margir vita þá erum við stöllur hér og krakkarnir með 5 hænur sem gefa okkur egg á hverjum degi og mun skemmtilegra að borða  egg undan sínum eigin hænum......allavega þarf á þessum bæ ekki að kaupa egg í búðinni...eeeeen það skemmtilega við þetta allt er það að ég er oft spurð um hvort ekki þurfi hana til að hænurnar verpi......og svarið er hér:  NEI...það þarf EKKI hana nema að maður ætli sér að fá frjóvguð egg og unga þá í framhaldi af því....en þetta vita bara ekki allir sko

Ágætt mál, þvi ekki ætla ég að láta hanann vekja hér alla í hverfinu eldsnemma á morgnana...erum að hugsa bara um að fá okkur VINDHANA ofaná skúrinn, þá allavega erum við með hana....og hana nú

Gay pride í gær og við hér óskum öllum til hamingju með þann dag....dagurinn okkar sem viljum og eigum og þurfum að berjast fyrir réttindum okkar..áfram með réttindin okkar, þetta er allavega á réttri leið allt saman.

Endilega haldið áfram að commenta á greinina hér fyrir neðan: "FORDÓMAR"

Alltaf í lífinu rekst maður á fordóma. 
Allskyns fordómar og ætla ég aðeins að blása úr mér hér á prenti þeim fordómum sem ENN ERU við líði gagnvart samkynhneigðum.

Ég veit að þeir fordómar hafa lagast mikið, HÚRRA fyrir því..... en ennþá er til fólk sem getur ekki  horfst í augu við homma og lesbíur....hvað skyldi það vera?  Hmmm....kannski af því að hið heilaga rit, Biblían segir að kona og karlmaður skuli vera saman?  En segir Biblían alltaf satt????   Eða er fólk ekki að meðtaka að það er EKKI það réttasta að kona og karl deili lífinu saman, heldur að ástfangið fólk deili því saman?  Eða er eitthvað betra að karl eða kona píni sig með hinu kyninu af því að"Normið" segir það....?? Hver segir að svokallað" norm" sé RÉTT???????  Og hvað er þetta" Norm" sem talað er um???

Margir tala um að normalt sé að karl og kona séu saman, eignist börn og búi til heimili....Þetta er bara hið besta mál svo framarlega sem fólk er gagnkynhneigt..en það eru bara ekki allir þannig.

Normalt í mínum huga er þetta:  TVEIR EINSTAKLINGAR SEM ELSKA HVORN  ANNAN, hvort sem það eru karl og karl, kona og kona eða karl og kona....

Oft heyrir maður að það sé eðlilegast fyrir börn að alast upp hjá móður og föður...Ég get ekki verið sammála þessu, ég tel að best sé fyrir börn að alast upp hjá ánægðum
foreldrum, ástföngnum foreldrum hvort sem þau alast upp hjá 2 konum, 2 karlmönnum eða hjá karli og konu.
Þannig hljóta börnunum að líða best...Það gefur hreinlega auga leið, annars er fólk blint ef það ekki sér það.

Ánægðir uppalendur = ánægð börn. 

Sem betur fer er kirkjan loks búin að opna dyr sínar fyrir samkynhneigðum og set ég hér orð sem birtust á síðu samtakanna 78.

(Ritað 13.júní 2008)

Form um staðfesta samvist var kynnt á prestastefnu sem lauk í Seljakirkju í gær. Biskup Íslands lagði formið fram og hvatti presta sem staðfesta samvista til að nota þetta form þegar þeir fá til þess heimild með lagabreytingu sem tekur gildi þann 27. júní næstkomandi.
Með samþykkt þess verður Þjóðkirkjan fyrsta þjóðkirkja í heimi sem getur lagalega gefið saman samkynhneigð pör. Innan kirkjunnar var lögð áhersla á að ekki þyrfti að bíða eftir því að form eða ritúal væri til fyrir þessa athöfn þegar lögin tækju gildi.
Þetta nýja form er byggt á þremur þáttum: Í fyrsta lagi á formi um blessun staðfestar samvistar, sem lagt var fram sem drög fyrir tveimur árum og þegar hefur hlotið umræðu innan kirkjunnar. Í öðru lagi byggir lögformlegur þáttur þess á formi sýslumanna við staðfestingu samvistar. Í þriðja lagi byggir það á hjónavígsluformi kirkjunnar.  ( Tekið af síðu samtakanna 78)

Húrra fyrir þessu segi ég bara....

Margir halda að það sé einhver lífstíll að vera  samkynhneigður....voðaleg  fáviska er það nú...
Annað hvort er fólk gagnkynhneigt eða samkynhneigt...  Svo einfalt er það nú.  Þetta er ekki eitthvað sem fólk velur sér.  
Hvað er svosem að því að laðast að sama kyni?????.......Ég spyr nú bara..hmmmm

Hér er ein setning sem ég hata: " Hræðilegt að vita til að fólk af sama kyni séu saman, sé ástfangið og deili sama rúmi"

Hmmm.....en hvað með samkynhneigða??.....Finnst þeim ekki hræðilegt til þess að hugsa að fólk af sitthvoru kyni séu saman, ástfangið og deili sama rúminu???....en samkynhneigðir er bara ekkert að tala um það, það virðir bara ástfangið fólk.....Margir sem munu lesa þetta verða mér mjög ósammála og er það gott og gilt...allir mega hafa sínar skoðanir....

Þið sem viljið commenta á þetta...endilega komið þá með rök ef þið eruð á móti mínum skrifum hér....verður gaman að lesa

Samtökin 78!!!  Til hamingju með 30 ára afmælið...mikið vatn  hefur runnið til sjávar á þessum tíma og mikið áunnist í réttindum samkynhneigðra.  Þökk sé þeim sem þorðu að vera þeir sjálfir.          

Núna þessa vikurnar hef ég velt orðinu ást fyrir mér...hmmm..þetta litla 3ja stafa orð sem felur samt svo mikið í sér...

Hvað er ást?

Hvernig birtist hún?

Hvað er að vera ástfangin?

Fullt af spurningum í kring um þetta litla orð.

Ég lít svo á að ást til barna okkar sé þessi fullkomna ást, þ.e  ástin sem er órjúfanleg, ekkert hægt að komast  þar á milli.
Börnin okkar elskum við alltaf hversu gömul þau verða og hvað sem á gengur.
Auðvitað geta þau skapraunað manni, en við elskum þau alltaf og getum alltaf fyrirgefið og það eru þau  sem við berum svo mikla ábyrgð á og viljum ala upp til manns og gera þau að góðum og sterkum einstaklingum...í  því er mikil ást og allt lagt undir. Já, það er ást og hin fullkomna ást.

Við elskum líka fleiri...við elskum makann okkar, foreldra okkar, systkyni og jafnvel fleiri...en ég persónulega get ekki sagt að ég elski vini eða ættingja..ekki þannig ást...frekar að mér þyki  MJÖG vænt um fólkið. 

Ég ELSKA  börnin mín, foreldra og þann maka sem ég mun vonandi eignast

Að elska maka!  Það getur verið á svo margan hátt í minni hugsun....virðing, vinátta, að laðast að, finna styrk, finna hlýju, finnast gott að vera nálægt makanum, vilja að makanum líði vel, eiga áhugamál saman, geta gefið af sér til makans og þyggja líka á móti og svo mætti lengi telja.  Yndislegt að vera ástfangin og yndislegt að mega gefa af sér alla þá hlýju sem maður á og fá endurgoldið á móti.  Þegar maður elskar makann sinn verður maður að rækta sambandið, hlúa að því.  Auðvitað kemur alltaf eitthvað uppá þegar tveir ólíkir einstaklingar hefja samband saman, árekstrar geta orðið þá er bara algerlega nauðsynlegt að geta rætt út um hlutina, geyma þá ekki í sálinni, heldur ræða saman og virða skoðanir hvors annars.

Ástin er ekkert sjálfgefin að mínu mati, hana þarf að rækta. Og svo með tímanum verður hún öðruvísi, verður dýpri og  meiri virðing og væntunþykja kemur inní sambandið.  Þetta er mín skoðun, einhver án efa ósammála mér og lítur öðruvísi á þetta allt...en öll höfum við okkar skoðun og er það vel

Væri nú gaman að sjá COMMENT frá ykkur gott fólk

Jæja gott fólk...nú er sko sumarið að detta inn.  Yndislegur dagur í gær, sólríkur og fallegur og maður skellti sér í stuttbuxurnar og út í vorverkin...er að dunda við að olíubera útihurð og pallinn, raka lóð og hreinsa ,  svona sem allir eða flestir gera á vorin.  
En vinkonur mínar BÝFLUGURNAR eru komnar líka á kreik og ég er ekkert par hrifin...eins mikill dýravinur og ég er þá er ég hreinlega skíthrædd við þessi kvikindi...held að þetta séu EKKI flugur, einhver misskilningur þar á ferð í dýrafræðinni...tel þetta frekar smávaxna fugla sem svífa um loftin og vilja alveg ólmir komast inn til manns rétt til þess að suða og berjast í rúðurnar..ég hreinlega rýk til af hræðslu og reyni að koma þessum  fuglum þarna undir glas og bíð svo bara eftir að einhver komi til að losa mig við þessa ÓVÆRU....já, þær eru sko ekki velkomnar á mitt heimili..urrrrr   ....þannig að það er alveg hægt að sleppa því að telja mér trú um að þetta séu flugur

En sumarið leggst flott í mig bara, ég happy með meiru og börnin ánægð og kát og hvað er þá hægt að biðja svosem um meira..hmmmm.....jú..jú...sjálfsagt hægt að biðja um meira og vilja meira...en á meðan maður er ánægður með sitt og sína þá er þetta fullkomið....

Njótið sólardaga, njótið þess að vera til og njótið lífsins...það er nefnilega assgoti stutt þetta líf.                                 

Heyrumst  í næsta bloggi...og það má alveg commenta og skrifa í gestabók